ye meñ huuñ aur ye asnām mere
inheñ jo naam do sab naam mere
hai in kī raushnī mujh se bhī aage
maiñ achchhā mujh se achchhe kaam mere
na kar tū baat mujh se mausamoñ kī
ye mausam sub.h tere shaam mere
dukān-e-ḳhvāb meñ chehra-e-nigar huuñ
koī shāyad chukā de daam mere
tamannāoñ ke zaḳhm īzāoñ ke zaḳhm
yahī kuchh zaḳhm haiñ in.aam mere
maiñ kyā virse meñ duuñ ā.indagāñ ko
bas un ke naam haiñ paiġhām mere