kisī thakan ko suḳhan banā luuñ yahī bahut hai
maiñ chand fursat ke pal bachā luuñ yahī bahut hai
hunar kā haq to havā kī bastī meñ kaun degā
idhar maiñ apnā diyā jalā luuñ yahī bahut hai
ye hijr ke zaḳhm bhī baḌe lāla-kār dil haiñ
maiñ ghar ke rañgoñ se ghar sajā luuñ yahī bahut hai
vo ārifān-e-sabaq kahāñ ab jo dil baḌhā.eñ
maiñ sach likhūñ harf kī duā luuñ yahī bahut hai
thamī na yalġhār-e-vaqt kahtā hī rah gayā maiñ
abhī maiñ itnā hī bojh uThā luuñ yahī bahut hai