Alok Yadav

faisla mumkin hai yun munsif agar aadil na ho

Alok Yadav

Farrukhabad, Uttar pradesh, India

1967

faisla mumkin hai yuuñ munsif agar aadil na ho

qatl to hote raheñ sābit koī qātil na ho

mushkileñ āsāñ na hoñ merī to mujh ko ġham nahīñ

par jo hai āsāñ kam az kam vo to ab mushkil na ho

dafn haiñ daftar file meñ hazāroñ mas.ale

aisā lagtā hai ki jaise qabr ho file na ho

ḳhatm hone ko safar hai saath chhūTā jaa.e hai

chāhtā hai dil mirā manzil abhī hāsil na ho

ishq hai aisā safar jis koī manzil nahīñ

ya.anī ik kashtī ki jis ke vāste sāhil na ho

Top Urdushayar.com