charāġh-e-rāhguzar hai jalā rahegā vo
magar havā ke liye mas.ala rahegā vo
kahāñ hai hijr meñ rahne kā tajraba us ko
tamām umr duā māñgtā rahegā vo
jagah badalne se hai.at kahāñ badaltī hai
jo aa.ina hai sadā aa.ina rahegā vo
maiñ us charāġh kī lau ko ḳhirāj de aa.uuñ
jo bujh gayā to hamesha bujhā rahegā vo
bahut hī dhuup hai ab sā.ebāñ banā 'mohsin'
ḳhud apne saa.e meñ kab tak khaḌā rahegā vo