ye baat ab ke use batānā nahīñ paḌegī
ġhazal ko hargiz ġhazal sunānā nahīñ paḌegī
jo vo milā to maiñ ḳharch kar dūñgā ek pal meñ
badan kī ḳhushbū mujhe bachānā nahīñ paḌegī
tujhe byāhūñ to do qabīle qarīb hoñge
kisī ko bandūq bhī uThānā nahīñ paḌegī
maiñ apne lahje kā haath thāme nikal paḌā huuñ
kisī ko āvāz bhī lagānā nahīñ paḌegī
maiñ apnī har ik siyāh-baḳhtī ko jāntā huuñ
'za.īm' tote ko faal uThānā nahīñ paḌegī