ḳhaak uḌtī hai rāt-bhar mujh meñ

kaun phirtā hai dar-ba-dar mujh meñ

mujh ko ḳhud meñ jagah nahīñ miltī

tū hai maujūd is qadar mujh meñ

mausam-e-girya ek guzārish hai

ġham ke pakne talak Thahr mujh meñ

be-gharī ab mirā muqaddar hai

ishq ne kar liyā hai ghar mujh meñ

aap kā dhyān ḳhuun ke mānind

dauḌtā hai idhar-udhar mujh meñ

hausla ho to baat ban jaa.e

hausla hī nahīñ magar mujh meñ