gahrī niilī shaam kā manzar likhnā hai

terī hī zulfoñ kā daftar likhnā hai

ka.ī dinoñ se baat nahīñ kī apnoñ se

aaj zarūrī ḳhat apne ghar likhnā hai

shiddat par hai hare-bhare pattoñ kī pyaas

sahrā sahrā ḳhuun samundar likhnā hai

patthar par ham naam kisī kā likkheñge

ā.īne par aazar aazar likhnā hai

chehra raushan khule hue sahrā kī dhuup

gahrī āñkheñ gahrā sāgar likhnā hai

is se aage kuchh likhne se qāsir huuñ

is ke aage tujh ko baḌh kar likhnā hai