ḳhudā ko bhūle na jab tak hameñ ḳhudā na milā
ye mudda.ā bhī ba-juz tark-e-mudda.ā na milā
qadam qadam pe na kyuuñ sajda-reziyāñ kar luuñ
huzūr-e-husn ye mauqa milā milā na milā
kalīm-e-tūr ye kyuuñ tuur par girī bijlī
nigāh-e-nāz ko kyā koī bā-vafā na milā
uḌā ke le ga.ī parvāz shauq-e-manzil tak
adam kī raah meñ koī shikasta-pā na milā
qafas meñ aa.e ajal yā mareñ nasheman meñ
do-roza ziist kā ham ko kahīñ mazā na milā
junūn-e-shauq kī ḳhuddāriyāñ ma.āz-allāh
mizāj-dāñ koī 'qaisar' ko rahnumā na milā