ishq kyā hai ġham-e-hastī kā fanā ho jaanā
paikar-e-ḳhāk kā miT miT ke ḳhudā ho jaanā
ye dū do-jahāñ hai tirī zulfoñ kā asiir
raas aayā hai use said-e-balā ho jaanā
nā-ḳhudā.ī pe hai naaz ahl-e-safīna hushiyār
nā-ḳhudā chāhtā hai aap ḳhudā ho jaanā
saiñkaḌoñ sajdoñ meñ vaa.iz ko huā hai hāsil
zīnat-e-mahfil-e-arbāb-e-riyā ho jaanā
faiz-e-āsī hai ki is bazm-e-suḳhan meñ 'qaisar'
hai mayassar mujhe yuuñ garm-navā ho jaanā