kisī qātil se na talvār se Dar lagtā hai
aaj kyā baat hai darbār se Dar lagtā hai
ḳhud ko oḌhe hue baiThā huuñ kisī goshe meñ
har taraf shorish-e-bisyār se Dar lagtā hai
sochtā huuñ ki kahāñ Tek lagā kar baiThūñ
mujh ko ḳhud apnī hī dīvār se Dar lagtā hai
TuuT jaa.e na kisī aan tasalsul us kā
kyuuñ mujhe saañs kī takrār se Dar lagtā hai
maiñ ne qātil kā adā rol kiyā hai 'hamdam'
kyuuñ mujhe apne hī kirdār se Dar lagtā hai