chahār samt se kal tak jo ghar damaktā thā
ham aaj sair ko nikle to bas ḳharāba thā
na jaane kis liye āñkheñ dikhā.īñ sūraj ne
hamārī ā.ankhoñ ne bas ḳhvāb hī to māñgā thā
daraḳht gahre tanaffus meñ haiñ larazte haiñ
savār abr liye bijliyoñ kā koḌā thā
hamāre haath meñ TuuTā huā hai ā.īna
sarāpā thā to bhalā kaisā vo sarāpā thā
uThā.e phirte the shānoñ pe aap apnī laash
vo log kaun the kyā jurm un kā Thahrā thā