kuchh hasīñ yādeñ bhī haiñ dīda-e-nam ke saath saath

zindagī meñ husn bhī goyā hai ġham ke saath saath

dil tire hamrāh jaatā hai ki paayā jaatā hai

naqsh-e-dil merā tire naqsh-e-qadam ke saath saath

us ke saa.e kī tarah dekhā nahīñ us se judā

ham ne to yazdāñ ko paayā hai sanam ke saath saath

taaki huuñ donoñ kī lazzat se barābar mustafīd

vo karam farmāte rahte haiñ sitam ke saath saath

'soz' un kī chaah meñ ham ne sadā mahsūs kī

ek anjānī soz-e-ġham ke saath saath