taqdīr-e-vafā kā phuuT jaanā
maiñ bhūlā na dil kā TuuT jaanā
kyā detā rahegā dil pe dastak
ik jumla jo maiñ ne jhuuT jaanā
ik sūrat utārnā ġhazal meñ
lafzoñ kā pasīnā chhūT jaanā
kyā ro.uuñ tujhe ai dhyān-darpan
pal bhar meñ hai tujh ko TuuT jaanā
kis darja surūr-baḳhsh thā vo
us kūche meñ jhūT-mūT jaanā
ruk jā.egā saath dhaḌkanoñ ke
ḳhāmoshī kā TūT-phūT jaanā
vo aanā kisī kā dil meñ 'rāġhib'
aur sabr-o-qarār luuT jaanā