kyā sochte rahte ho tasvīr banā kar ke
kyuuñ us se nahīñ kahte kuchh hoñT hilā kar ke
ghar us ne banāyā thā ik sabr o razā kar ke
miTTī meñ milā Daalā ehsān jatā kar ke
jo jaan se pyāre the naam un ne hī pūchhā hai
hairān huā maiñ to is shahr meñ aa kar ke
tah.zīb-e-musallā se vāqif hī na thā kuchh bhī
aur baiTh gayā dekho sajjāde pe aa kar ke
muddat se pata us kā mālūm nahīñ kuchh bhī
mash.hūr bahut thā jo āshufta-navā kar ke