mujh par ināyateñ haiñ ka.ī sāhibān kī
kuchh haiñ zamīn vāloñ kī kuchh āsmān kī
apne safar kā tanhā musāfir nahīñ huuñ maiñ
izzat juḌī hai mujh se mire ḳhāndān kī
vo mujh ko aazmā ke kaḌī dhuup meñ rahā
mujh ko ḳhizāñ bahār lagī imtihān kī
'ḳhusrav-amīr' kī yā barahman kī ho ġhazal
muhtāj kab rahī hai kisī bhī zabān kī
hindī kī apnī shaan hai urdu kī apnī shaan
donoñ hī ān-bān haiñ hindostān kī