Ashok Mizaj Badr

ghazal mein dard ke ehsas ko jagae baghair

Ashok Mizaj Badr

Sagar, Madhya Pradesh, India

1975

ġhazal meñ dard ke ehsās ko jagā.e baġhair

hunar meñ aatā nahīñ dil pe choT khaa.e baġhair

talāsh kartā huā phir rahā huuñ barsoñ se

kahāñ gayā mirā bachpan mujhe batā.e baġhair

na jaane kaun duniyā meñ log jiite haiñ

ḳhayāl-o-ḳhvāb duniyā koī basā.e baġhair

ka.ī sitāre baḌe bad-nasīb hote haiñ

vo Duub jaate haiñ palkoñ pe jhilmilā.e baġhair

mujhe ġhazal bhī mirī dādī-māñ lagtī hai

nahīñ sulātī kahānī koī sunā.e baġhair

Top Urdushayar.com