jo kuchh ki tum siiñ mujhe bolnā thā bol chukā
bayān-e-ishq ke tūmār kuuñ maiñ khol chukā
azal siiñ mujh kuuñ diyā dard sāne-e-taqdīr
mire nasīb ke sharbat meñ zahr ghol chukā
jinnoñ ke shahr meñ nahīñ kam-ayār kuuñ hurmat
maiñ naqd-e-qalb kuuñ kāñTe meñ dil ke tol chukā
mujhe ḳharīd kiye tum ne kam nigāhī siiñ
kamīna banda-e-be-zar kā aaj mol chukā
nahīñ rahā suḳhan-e-āb-dār kā motī
'sirāj' tab.a ke sab jauharoñ kuuñ roll chukā