jo rāh-e-mulāqāt thī so jaan ga.e ham
ai ḳhizr-e-tasavvur tire qurbān ga.e ham
jam.iyyat-e-husn aap kī sab par huī zāhir
jis bazm meñ bā-hāl-e-pareshān ga.e ham
us ghar ke tasavvur meñ juuñ hī band kiiñ āñkheñ
sad-shukr ki be-minnat-e-darbān ga.e ham
kal vāqif-e-kār apne se kahtā thā vo ye baat
'jur.at' ke jo ghar raat ko mehmān ga.e ham
kyā jāniye kam-baḳht ne kiyā ham pe kyā sehr
jo baat na thī mānñe kī maan ga.e ham