Siraj Aurangabadi

mujh dard sen yar aashna nain

Siraj Aurangabadi

Aurangabad, Aurangabad, Maharashtra, India

1712-1763

mujh dard señ yaar āshnā na.iiñ

shāyad ki kisī mubtalā na.iiñ

ḳhūbāñ kuuñ ravā hai qatl-e-āshiq

is shahr meñ rasm-e-ḳhūñ-bahā na.iiñ

nahīñ baar yazīd-e-bul-havas kuuñ

zālim galī hai karbalā na.iiñ

tujh zulf meñ dil ne gum kiyā raah

is paihamm galī kuuñ intihā na.iiñ

ai sham-e-dil-e-'sirāj' mujh kuuñ

jalne ke baġhair mudda.ā na.iiñ

Top Urdushayar.com