Moin Ahsan Jazbi

sharik-e-mahfil-e-dar-o-rasan kuchh aur bhi hain

Moin Ahsan Jazbi

Mubarakpur, Uttar pradesh, India

1912-2005

sharīk-e-mahfil-e-dār-o-rasan kuchh aur bhī haiñ

sitamgaro abhī ahl-e-kafan kuchh aur bhī haiñ

ravāñ-davāñ yūñhī ai nannhī būñdiyoñ ke abr

ki is dayār meñ ujḌe chaman kuchh aur bhī haiñ

ḳhudā kare na thakeñ hashr tak junūñ ke paañv

abhī manāzil-e-rañj-o-mehan kuchh aur bhī haiñ

abhī sumūm ne maanī kahāñ nasīm se haar

abhī to ma.arka-hā-e-chaman kuchh aur bhī haiñ

abhī to haiñ dil-e-shā.ir haiñ saikḌoñ nāsūr

abhī to mo.ajiza-hā-e-suḳhan kuchh aur bhī haiñ

dil-e-gudāz ne āñkhoñ ko de diye aañsū

ye jānte hue ġham ke chalan kuchh aur bhī haiñ

Top Urdushayar.com