har kisī kuuñ guzar-e-ishq meñ ānāñ mushkil
raah sīdhī hai vale raah kuuñ pānāñ mushkil
kis tarah kījiye fikr-e-sharar-afshāni-e-ashk
jab ki paanī meñ lagī aag bujhānāñ mushkil
ḳhuub lagtī hai tire chīra-e-nukdār kī saj
jis tarah dil meñ chubhī hai so batānāñ mushkil
phuul mere kuuñ agar phuul kahūñ bhūle siiñ
phuul kuuñ phuul ke phūloñ meñ samānāñ mushkil
ātishīñ-rū siiñ nihāñ kyūñki rakhūñ soz-e-jigar
jaan jaatā hai 'sirāj' ab to chhupānāñ mushkil