ġham-e-āhista-rau yaañ rafta rafta

kiyā hai mujh kuuñ hairāñ rafta rafta

vo sāhir ne adā kā sehr kar kar

liyā mujh siiñ dil-o-jāñ rafta rafta

jigar ushshāq kā dāġh-e-jafā suuñ

huā sehn-e-gulistāñ rafta rafta

kamand-e-zulf dikhlā kar kiyā hai

mire dil kuuñ pareshāñ rafta rafta

zi-bas us yūsuf-e-misrī ke haiñ lab

huā dil misl-e-kan.āñ rafta rafta

'sirāj' ab tū na ho ġhamgīñ ki rahmāñ

karegā mushkil āsāñ rafta rafta