ek jhoñkā yaad kā mujh ko uḌā kar le gayā
rañg chehre ke sabhī jaise churā kar le gayā
ye tasavvur hai tirā jaise koī māñjhī sanam
haath thāmā shahr tere ye biThā kar le gayā
maiñ kisī TuuTe hue se phuul kī ḳhushbū jise
koī āshiq us kī copy meñ chhupā kar le gayā
faḳhr ke aañsū the us din maañ kī āñkhoñ meñ mirī
jab maiñ us ke paas us din kuchh kamā kar le gayā
log rishtoñ ko nibhāte haiñ kuchh aise āj-kal
Daal se phal jab kabhī chāhā jhukā kar le gayā