likhe hue alfāz meñ tāsīr nahīñ hai
dil par jo kisī ishq kī tahrīr nahīñ hai
is ziist ke har moḌ pe laḌnī hai mujhe jañg
qirtās o qalam haiñ koī shamshīr nahīñ hai
mumkin hī nahīñ thā tujhe āvāz lagāte
hai ishq kī rūdād pa tash.hīr nahīñ hai
duniyā meñ vafā DhūñDne nikle the nadārat
ik bojh hai dil par mire shahtīr nahīñ hai
lamhe meñ palaT deñge zamāne ko tumhāre
hai ahd-e-hunar jaan ye tasḳhīr nahīñ hai
paivast haiñ is ghar se bahut aap kī yādeñ
guzre hue lamhāt haiñ zanjīr nahīñ hai
chup-chāp bahut der se phirte haiñ gurezāñ
duniyā meñ koī aap sā dil-gīr nahīñ hai