tirī judā.ī ne ye kyā banā diyā hai mujhe
maiñ ek jism thā saaya banā diyā hai mujhe
samundaroñ se koī kam na thī mirī auqāt
bas ek dard ne sahrā banā diyā hai mujhe
purāne log samajhte the kuchh nayā huuñ maiñ
na.e dinoñ ne purānā banā diyā hai mujhe
jo us se rishta thā sab ko batā.e jaatā hai
ga.e dinoñ kā havāla banā diyā hai mujhe
'hasn-jamīl' un āñkhoñ kī kyā karūñ tārīf
ḳhudā ko mānñe vaalā banā diyā hai mujhe