tum ko nahīñ hai yaad abhī kal kī baat hai

bāham thā ittihād abhī kal kī baat hai

manzil thī ek jis pe baham gāmzan rahe

bilkul na thā tazād abhī kal kī baat hai

ik raushnī thī dil meñ bahut pāk-o-sāf the

aisā na thā inaad abhī kal kī baat hai

buniyād ḳhud hī aap ne rakkhī nifāq kī

shīr-o-shakar the shaad abhī kal kī baat hai

sehn-e-chaman meñ apne 'nazar' thī ajab bahār

thā daur-e-abr-o-bād abhī kal kī baat hai