umr guzar jaatī hai qisse rah jaate haiñ
pichhlī rut ke bichhḌe sāthī yaad aate haiñ
logoñ ne batlāyā hai ham ab aksar
bāteñ karte karte kahīñ kho jaate haiñ
koī aise vaqt meñ ham se bichhḌā hai
shaam Dhale jab panchhī ghar lauT aate haiñ
apnī hī āvāz sunā.ī detī hai
varna to sannāTe hī sannāTe haiñ
dil kā ek Thikānā hai par apnā kyā
shaam jahāñ hotī hai vahīñ paḌ jaate haiñ
kuchh din hasb-e-manshā bhī jī lene de
dekh tirī ThuDDī meñ haath lagāte haiñ