dhyān kī mauj ko phir ā.ina-sīmā kar leñ

kuchh tajallī kī huzūrī kā bhī yaarā kar leñ

aaj kā din bhī yūñhī biit gayā shaam huī

aur ik raat kā kaTnā bhī gavārā kar leñ

jin ḳhayāloñ ke ulaT pher meñ uljhīñ sāñseñ

un meñ kuchh aur bhī sāñsoñ kā izāfa kar leñ

jin malāloñ se lahū dil kā banā hai aañsū

un ke āñkhoñ se barasne kā nazārā kar leñ

ehtiyātoñ kī guzargāheñ huī haiñ sunsān

ab chhupāyā huā har ghaav huvaidā kar leñ