zahr par zahr chal nahīñ saktā
saañp bichchhū nigal nahīñ saktā
tajraba laakh kījiye is par
phir bhī patthar pighal nahīñ saktā
bhuul baiThūñgā tujh ko jiite jī
maiñ to itnā badal nahīñ saktā
ġhair kī Taañg khīñch kar bhaa.ī
koī aage nikal nahīñ saktā
us kī marzī agar nahīñ hogī
girne vaalā sambhal nahīñ saktā
noch saktā hai vo hamārā par
azm lekin kuchal nahīñ saktā