vo but mubtalā-talab mehr-talab vafā-talab
ye dil āshnā-talab jaur-talab jafā-talab
yaad nahīñ unheñ zarā tīra-diloñ kā ḳhūñ-bahā
haiñ tirī chashm-e-dast-o-pā surma-talab hinā-talab
basta-e-intishār haiñ tālib-e-zulf-e-yār haiñ
us ke siyāhkār haiñ rañj-talab balā-talab
rahtī hai dil meñ muttasil ātish-e-rañj mustaqil
roz-e-avval se hai ye dil ġham-talab āshnā-talab
rāt-din us kā dāġh-e-āh rakhtā hai mere dil se raah
'mehr' haiñ jaise mehr-o-māh nūr-talab ziyā-talab