kyā kyā log ḳhushī se apnī bikne par tayyār hue
ek hamīñ dīvāne nikle ham hī yahāñ par ḳhvār hue
pyaar ke bandhan ḳhuun ke rishte TuuT ga.e ḳhvāboñ kī tarah
jāgtī āñkheñ dekh rahī thiiñ kyā kyā kārobār hue
aap vo syāne raste ke har patthar ko but maan liyā
ham vo pāgal apnī raah meñ aap hī ḳhud dīvār hue
apnī apnī jagah par donoñ be-bas bhī masrūr bhī haiñ
tum tahrīr-e-sañg hue ham bhūlā huā iqrār hue
aane vaalī sub.h ginegī raat ke andhe tūfāñ meñ
kitne sāhil hī par Duube kitne bhañvar ke paar hue