hādsoñ ne use bhī toḌ diyā
reza reza bikhar ga.ī maiñ bhī
ik bhañvar meñ rahā hai vo bhī sadā
aur kināre na lag sakī maiñ bhī
us ne sahrā kī ret ko oḌhā
ḳhaak meñ ḳhaak ho ga.ī maiñ bhī
us ne ḳhud ko badal liyā āḳhir
aur pahlī sī kab rahī maiñ bhī
mere dil ko bhī vo na raas aayā
us ke dil se utar ga.ī maiñ bhī
us ke dil meñ bhī koī ranjish thī
kuchh ḳhafā us se ho ga.ī maiñ bhī
us ne bhī hijr kī tapish jhelī
birhā kī aag meñ jalī maiñ bhī
zo.am us ke bhī sab hī TuuT ga.e
aur na baaqī rahī marī maiñ bhī