gar ishq hai to dekhne piv ko shitāb aa
lā-shak ho haq kī rah meñ chalā be-hijāb aa
us husn-e-be-nazīr ke darsan ko dekhne
sab ḳhānumāñ suuñ ho ke apas ke ḳharāb aa
dariyā meñ dil ke ishq suuñ hone ke ta.iiñ muhīt
ḳhālī ho sab ḳhudī suuñ nikal juuñ habāb aa
kyā dekhtā hai sūrat-e-ḳhurshīd aur chandr
har ik nazar meñ dekh hazār āftāb aa
har-dam 'alīm' dil ke nazar ko diyā hai taab
apne karam suuñ qibla-e-vālā janāb aa