pītam ke dekhne ke tamāshā ko jaa.eñ chal
apne piyā ko ishq suuñ apne rijhā.eñ chal
jalsa kiyā hai yaar mahal meñ jalī ke aaj
ḳhalvat meñ ab ḳhafī ke piyā ko bulā.eñ chal
parvā nahīñ piyā ko kisī ke visāl suuñ
fan suuñ usī ke us ko apas meñ rijhā.eñ chal
dam kā surūd kar ke irāde kā taar bāñdh
satrī sadā kā suur bajā kar sunā.eñ chal
nāsūt se guzar ke tafarroh suuñ ai 'alīm'
lāhūt ke makāñ meñ sadā ġhul machā.eñ chal