kul jahāñ ik ā.īna hai husn kī tahrīr kā
haal kis patthar pe likkhā hai mirī taqdīr kā
chāñd us kā āsmāñ us kā sar-e-shām-e-visāl
jis pe saaya ho tirī zulf-e-sitāra-gīr kā
kī na chashm-e-shauq ne jumbish-e-hujūm-e-rañg meñ
mujh pe taarī ho gayā aalam tirī tasvīr kā
maiñ use samjhūñ na samjhūñ dil ko hotā hai zarūr
laala o gul par gumāñ ik ajnabī tahrīr kā
chain se donoñ nahīñ is ālam-e-ehsās meñ
maiñ tirī chup kā huuñ zaḳhmī tū mirī taqrīr kā