Jaun Eliya

bhaTakta phir raha hun justuju bin

Jaun Eliya

Amroha, Uttar pradesh, India

1931-2002

bhaTaktā phir rahā huuñ justujū bin

sarāpā aarzū huuñ aarzū bin

koī is shahr ko tārāj kar de

huī hai merī vahshat hā-o-hū bin

ye sab mojiz-numā.ī havas hai

rafūgar aa.e haiñ tār-e-rafū bin

ma.āsh-e-be-dilāñ pūchho na yaaro

numū paate rahe rizq-e-numū bin

guzār ai shauq ab ḳhalvat rāteñ

guzārish bin gila bin guftugū bin

Top Urdushayar.com