kaise patā chalegā agar sāmnā na ho

maiñ jis ko chāhtā huuñ mujhe chāhtā na ho

shab ke safar meñ chāñd sitāre to saath haiñ

kuchh aur mehrbān falak ho to kyā na ho

bichhḌā vo mujh se aaise na bichhḌe kabhī koī

ab yuuñ milā hai jaise vo pahle milā na ho

piitā huuñ roz us kī nasīhat ke bāvajūd

mere gunāh kī kahīñ dohrī sazā na ho

rakhtā huuñ yaad is liye har fasl-e-gul 'shahāb'

din hoñ bure hazār magar dil burā na ho