na pūchh us kī jo apne andar chhupā
ġhanīmat ki maiñ apne bāhar chhupā
mujhe yaañ kisī pe bharosā nahīñ
maiñ apnī nigāhoñ se chhup kar chhupā
pahuñch muḳhbiroñ kī suḳhan tak kahāñ
so maiñ apne hoñToñ pe aksar chhupā
mirī sun na rakh apne pahlū meñ dil
ise tū kisī aur ke ghar chhupā
yahāñ tere andar nahīñ merī ḳhair
mirī jaañ mujhe mere andar chhupā
ḳhayāloñ kī aamad meñ ye ḳhārzār
hai tīroñ kī yalġhār tū sar chhupā