kū-e-jānāñ meñ aur kyā māñgo

hālat-e-hāl yak sadā māñgo

har-nafas tum yaqīn-e-mun.im se

rizq apne gumān kā māñgo

hai agar vo bahut hī dil nazdīk

us se duurī kā silsila māñgo

dar-e-matlab hai kyā talab-añgez

kuchh nahīñ vaañ so kuchh bhī jā māñgo

gosha-e-gīr-e-ġhubār-e-zāt huuñ meñ

mujh meñ ho kar mirā patā māñgo

munkirān-e-ḳhudā-e-baḳhshinda

us se to aur ik ḳhudā māñgo

us shikam-raqs-gar ke saa.il ho

nāf-pyāle kī tum atā māñgo

laakh janjāl māñgne meñ haiñ

kuchh na māñgo faqat duā māñgo