Ahmad Husain Mail

ho gae muztar dekhte hi wo hilti zulfen phirti nazar hum

Ahmad Husain Mail

Hyderabad, Sindh, Pakistan

1914

ho ga.e muztar dekhte vo hiltī zulfeñ phirtī nazar ham

dete haiñ dil ik āfat-e-jāñ ko thāme hue hāthoñ se jigar ham

ġhair ko gar vo pyaar kareñge apne lahū meñ hoñge tar ham

Daal deñge un ke qadam par kaaT kar apne haath se sar ham

sulh huī to naale khīñche yuuñ karte haiñ sab ko ḳhabar ham

pīTte haiñ siine DhiñDhorā dete haiñ dil bār-e-digar ham

aur mileñge chhoḌ na deñge sun ke sadā-e-murġh-e-sahar ham

halqa donoñ haath apne Daal rakheñge gird-e-kamar ham

dil ke andar tuur ke uupar chashm-e-sanam meñ ain haram meñ

terī sūrat terī mūrat pūjne jaa.eñ tujh ko kidhar ham

raaz chhupte to āġhāz achchhā bhed khule to anjām achchhā

misl-e-sikandar bhes badal kar jaate haiñ ban kar nāma-bar ham

andāza go kar chuke haiñ aa jaatī hai muTThī meñ ye

aaj magar be-parda kareñge dekheñge patlī kamar ham

laate kuchh rañg-e-javānī aañkh se yuuñ kiiñ aañkh ne bāteñ

aao dikhā.eñ sab ko ghāteñ sho.abda-gar tum jādūgar ham

kahtī haiñ zulfeñ mushkīñ kas leñ koī jo Daale haath kamar meñ

phail ke so.o Dar kyā tum ko gasht kareñge gird-e-kamar ham

lutf baḌā ho aur mazā ho is ke evaz gar aap ko paa.eñ

baiTh ke apne ghar ke andar DhūñDh rahe haiñ yaar ghar ham

tum ko nazākat aur ḳhudā de ham ko lazzat aur ḳhudā de

pā.eñche tum chuTkī se uThā lo thāme hue chalte haiñ kamar ham

uThtā joban jhuktī gardan dabtī bāteñ ruktī ghāteñ

haa.e na kyuuñ sau jaañ se fidā hoñ in chāroñ par uTh phir ham

saaya ban kar saath chaleñge saath phireñge saath raheñge

apne ghar meñ ġhair ke dil meñ jaao jidhar tum aa.eñ udhar ham

jald tum uTTho dauḌ ke aao ham ko thāmo ham ko sambhālo

girte haiñ misl-e-ashk zamīñ par uThte haiñ shakl-e-dard-e-jigar ham

sab se chhuḌā kar laa.e uḌā kar kyā na rakheñge dil meñ chhupā kar

rahne basne chalne phirne tum ko ḳhudā deñge ghar ham

muñh jo khulegā rañj baḌhegā ham se na bolo ham ko na chheḌo

kāhīda-tan āzurda-jān āshufta-dil ḳhasta-jigar ham

ye to chhapar-khaT chhoTā hai pahlū meñ tum so.oge kyūñkar

aao liTā leñ siine par ham tum ko sulā leñ chhātī par ham

rañj gar aayā ho to bhulā de pyaar baḌhā de ham se milā de

un nigah se to gir to chuke haiñ jaa.eñ na yārab dil se utar ham

dekh ke un jauban ubhrā maiñ ne kahā ye maal hai achchhā

bole vo kyā tum luuT loge god meñ yuuñ aa jaa.eñ agar ham

Thahrī hai bāham lutf baazī pahle jo paa.e jiit usī

vasl shab hai DhūñDh rahe haiñ dil vo hamārā un kamar ham

roz na.e dil laa.eñ kahāñ se aise tohfe paa.eñ kahāñ se

chaaT paḌī hai tum ko diloñ lūTne jaa.eñ kis ghar ham

ġhair ke bar meñ un ko dekhā ḳhaak meñ jaa.e aisā nazāra

haath meñ kam-baḳht aa nahīñ saktā toḌte varna tār-e-nazar ham

nashv-o-numā paa.ī hai deccan meñ qadr hamārī kyūñkar hogī

ghar murġhī daal barābar kis ko dikhā.eñ apnā hunar ham

kyuuñ na kare dīvāna kisī ko sharm aadat husn shoḳhī

ho ga.e 'mā.il' dekh ke maa.il uThtā joban jhuktī nazar ham

Top Urdushayar.com