ik dā.ere kī shakl meñ khīñchā huā hisār
yalġhār se kuchh aur bhī badlā huā hisār
ik shahr-e-ḳhvāb thā ki jahāñ qil.a-band the
a.adā kī yūrishoñ se tavānā huā hisār
chāhe rasad ke rāste masdūd the bahut
jitnā baḌhā muhāsara puḳhta huā hisār
ābād bastiyāñ thiiñ fasīloñ ke saa.e meñ
aapas meñ bastiyoñ ko milātā huā hisār
indar se rah kisī ne dikhā.ī ġhanīm ko
phir maiñ thā aur sāmne girtā huā hisār