Asghar Gondvi

pas-e-adab mein josh-e-tamanna liye hue

Asghar Gondvi

Gorakhpur, Uttar pradesh, India

1884-1936

pās-e-adab meñ josh-e-tamannā liye hue

maiñ bhī huuñ ik hubāb meñ dariyā liye hue

rag rag meñ aur kuchh na rahā juz ḳhayāl-e-dost

us shoḳh ko huuñ aaj sarāpā liye hue

sarmāya-e-hayāt hai hirmān-e-āshiqī

hai saath ek sūrat-e-zebā liye hue

josh-e-junūñ meñ chhūT gayā āstān-e-yār

rote haiñ muñh meñ dāman-e-sahrā liye hue

'asġhar' hujūm-e-dard-e-ġharībī meñ us yaad

aa.ī hai ek tilismī tamannā liye hue

Top Urdushayar.com