Asghar Gondvi

ye ishq ne dekha hai ye aql se pinhan hai

Asghar Gondvi

Gorakhpur, Uttar pradesh, India

1884-1936

ye ishq ne dekhā hai ye aql se pinhāñ hai

qatre meñ samundar hai zarre meñ bayābāñ hai

hai ishq ki mahshar meñ yuuñ mast o ḳhirāmāñ hai

dozaḳh ba-garebāñ hai firdaus ba-dāmāñ hai

hai ishq shorish se rānā.ī o zebā.ī

jo ḳhuun uchhaltā hai vo rañg-e-gulistāñ hai

phir garm-e-navāzish hai zau mehr-e-daraḳhshāñ

phir qatra-e-shabnam meñ hañgāma-e-tūfāñ hai

ai paikar-e-mahbūbī maiñ kis se tujhe dekhūñ

jis ne tujhe dekhā hai vo dīda-e-hairāñ hai

sau baar tirā dāman hāthoñ meñ mire aayā

jab aañkh khulī dekhā apnā garebāñ hai

ik shorish-e-be-vasl ik ātish-e-be-parda

āfat-kada-e-dil meñ ab kufr na īmāñ hai

dhokā hai ye nazroñ bāzīcha hai lazzat

jo kunj qafas meñ thā vo asl gulistāñ hai

ik ġhuncha-e-afsurda ye dil haqīqat thī

ye maujzanī ḳhuuñ rañgīni-e-paikāñ hai

ye husn maujeñ haiñ josh-e-tabassum hai

us shoḳh ke hoñToñ par ik barq larzāñ hai

'asġhar' se mile lekin 'asġhar' ko nahīñ dekhā

ash.ār meñ sunte haiñ kuchh kuchh vo numāyāñ hai

Top Urdushayar.com