raushnī parchhā.īñ paikar āḳhirī
dekh luuñ jī bhar ke manzar āḳhirī
maiñ havā ke jhakkaḌoñ ke darmiyāñ
aur tan par ek chādar āḳhirī
zarb ik Thahre hue paanī pe aur
jaate jaate pheñk kañkar āḳhirī
donoñ mujrim aa.ine ke sāmne
pahlā patthar ho ki patthar āḳhirī
TūTtī ik din lahū kī ḳhāmushī
dekh lete ham bhī mahshar āḳhirī
ye bhī TuuTā to kahāñ jā.eñge ham
ik tasavvur hī to hai ghar āḳhirī
dil musalsal zaḳhm chāhe hai 'zafar'
aur us ke paas patthar āḳhirī