haa.el haiñ ashk raah meñ kaise nazar mile
bārish agar thame to musāfir ko ghar mile
aa.e charāġh shaam lagā luuñ gale tujhe
donoñ ko ye umiid nahīñ hai sahar mile
daur-e-jadīd meñ jo baḌhī fāsloñ kī baat
jī chāhtā nahīñ ki nazar se nazar mile
ab to junūñ ke haath se patthar nikal ga.e
ab ham bhī chāhte haiñ ki shīshe kā ghar mile
'saulat' vo kyā maqām thā saa.at thī kaun sī
Thahre hue jahāñ tumheñ shām-o-sahar mile