'iqbāl' yūñhī kab tak ham qaid-e-anā kāTeñ
mil baiTh ke logoñ meñ aa apne ḳhalā kāTeñ
jo karnā hai ab kar leñ ham tum se na kahte the
ab sañg-sitam chāheñ hone kī sazā kāTeñ
ab bāñjh zamīnoñ se ummīd bhī kyā rakhnā
ro.eñ bhī to lā-hāsil bo.eñ bhī to kyā kāTeñ
par le ke kidhar jaa.eñ kuchh duur tak uḌ aa.eñ
dam jitnā mayassar hai ye Thahrī havā kāTeñ
is marhala-e-shab meñ ab ek hī sūrat hai
yā dasht-e-talab pāTeñ yā gardish-e-pā kāTeñ