raat bhar tum na jāgte rahiyo
ḳhvāb āñkhoñ meñ pālte rahiyo
ek lamhe meñ faisla karnā
umr bhar yaañ na sochte rahiyo
jo kisī kī sunā nahīñ ab tak
us ḳhudā ko na pūjte rahiyo
vaqt ke saath saath chalnā tum
ik jagah to na baiTh ke rahiyo
bhuul kar bhī na lo yahāñ ehsāñ
is balā se to bhāgte rahiyo
apnī hastī hī kyā so tum ḳhud ko
is jahāñ meñ na DhūñDte rahiyo
apnī aadat udaas rahnā hai
so mire saath soch ke rahiyo