muddatoñ tak jo paḌhāyā kiyā ustād mujhe
ishq meñ bhuul gayā kuchh na rahā yaad mujhe
kyā maiñ dīvāna huuñ yā-rab ki sar-e-rāhguzar
duur se ghūrne lagte haiñ parī-zād mujhe
ab hai āvāz kī vo shaan na baazū kī uḌaan
aur sayyād kiye detā hai āzād mujhe
dād-ḳhvāhī ke liye aur to sāmāñ na milā
nāla-o-āh pe rakhnī paḌī buniyād mujhe
mere sheroñ pe vo sharmā.e to ahbāb hañse
ai 'hafīz' aaj ġhazal kī ye milī daad mujhe