Muztar Khairabadi

wafa kya kar nahin sakte hain wo lekin nahin karte

Muztar Khairabadi

Khairabad, Uttar pradesh, India

1865-1927

vafā kyā kar nahīñ sakte haiñ vo lekin nahīñ karte

kahā kyā kar nahīñ sakte haiñ vo lekin nahīñ karte

masīhā.ī da.avā aur bīmāroñ se ye ġhaflat

davā kyā kar nahīñ sakte haiñ vo lekin nahīñ karte

raqīboñ par adū par ġhair par charḳh-e-sitamgar par

jafā kyā kar nahīñ sakte haiñ vo lekin nahīñ karte

kabhī dād-e-mohabbat de ke haq merī vafāoñ

adā kyā kar nahīñ sakte haiñ vo lekin nahīñ karte

zakāt-e-husn de kar apne kūche ke gadāoñ

bhalā kyā kar nahīñ sakte haiñ vo lekin nahīñ karte

dil-e-'muztar' ko qaid-e-dām-e-gesū-e-pareshāñ se

rihā kyā kar nahīñ sakte haiñ vo lekin nahīñ karte

Top Urdushayar.com