huuñ ki jab tak hai kisī ne mo'tabar rakkhā huā
varna vo hai bāñdh kar raḳht-e-safar rakkhā huā
mujh ko mere sab shahīdoñ ke taqaddus kī qasam
ek ta.ana hai mujhe shānoñ pe sar rakkhā huā
mere bojhal paañv ghuñghrū bāñdh kar halke hue
sochne se kyā nikaltā dil meñ Dar rakkhā huā
ik na.ī manzil kī dhun meñ daf.atan sarkā liyā
us ne apnā paañv mere paañv par rakkhā huā
tū hī duniyā ko samajh parvarda-e-duniyā hai tū
maiñ yūñhī achchhā huuñ sab se be-ḳhabar rakkhā huā